PRESENTACIÓN REGULAMENTO COMO CHEGAR INSCRICIÓNS COLABORADORES

Día: 1 de xuño de 2014 
Hora: 08:30 h.
Saída e chegada: Porto Deportivo – RIBEIRA (A Coruña) // Saida: 8:30 h. (embarque) // Chegada: 21:00 h.
Inscricións: persoas de 13 anos a diante 17€, nenos de 3 a 12 anos incluidos 12€, menores de 3 anos gratis. A organización poderá comprobar a idade do menor esixindo a presentación dun documento oficial (DNI, libro de familia ou similar)
Prazas: 200
Páxina web oficial: www.arousa.com
E-mail: contacto@arousa.com

Roteiro de sendeirismo polas Illas Cíes pertencentes ao Parque Nacional das Illas Atlánticas. A saida será do Porto Deportivo de Ribeira ás 8:30 h. e chegarase á Illa de Monteagudo ás 10:15 h. (aprox.). Unha vez alí iniciarase unha andaina que levará aos que desexen participar dela: Ruta do Monte Faro, cunha distancia de 7 km. e de unhas dúas horas (aprox.). A ruta será guiada por monitores e recoméndase seguir as instruccións que faciliten. A dificultade é media sendo apta para calquer idade.

Recoméndase atender ao seguinte:

• Os menores de 14 anos deben ir acompañados dun titor ou adulto.
• A organización resérvase o dereito a pedir que os nenos acrediten a súa data de nacemento con documento oficial (DNI, libro de familia ou similar)
• Débense seguir as recomendacións das persoas que guiarán o grupo en todo momento. De facer caso omiso das recomendacións a organización resérvase o dereito de invitalos a abandonar a actividade.
• Levar roupa adaptada á actividade e a climatoloxía reinante no día.
• Levar algo de auga ou comida segundo as necesidades persoais.
• Non se permiten animais de compañía.
• Non se pode deixar restos de lixo ou comida na illa.
• Puntualidade na hora de saída do barco, o que non esté no punto de encontro acordado previamente enténdese que desiste de facer o viaxe de ida/volta segundo corresponda. E será responsabilidade súa facer o viaxe de retorno no caso de quedar na illa.
• A organización NON dispón de seguro de accidentes que cubra a actividade.
• A organización NON se responsabiliza de danos no material, perda ou extravío do mesmo.
• Debe facerse unha reserva previa de plaza pois estas están limitadas.
• O pago da inscrición facerase na conta bancaria 0049-2948-21-2895034221 nos vindeiros 4 días do envío da solicitude (Excepto para os inscritos o entre o 26 e 28 de maio que deberá facerse en 24 h.).
• NON se devolverá o importe da praza a quen non faga uso dela.
• O custe da inscrición non inclue a comida. Na illa hai lugares nos que se sirven comidas, pero recoméndase levar algunha vianda.
• Existe a posibilidade de facer un segundo roteiro ata o Alto do Príncipe.
• O embarque será ás 18:30 h. A saida de Cíes será ás 18:45 h. A chegada a Ribeira será ás 20:30 h.
• A organización resérvase o dereito a modificar o horario ou a data de existir algunha alerta meteorolóxica e/ou o aconsellen as autoridades. No caso de suspensión trasladaríase ao domingo 15 de xuño.

Agradecemos a colaboración das seguintes entidades: