VIIª Edición do Barbanza 42K Trail que reconvirte as súas distancias facendo o maratón (42 km) e a media maratón (21 km) de montaña pero sen perder a esencia do puro trail que o levou a consolidarse coma unha proba punteira en Galicia e fixa no calendario de moitos corredores de montaña.

Non renuncia a ningunha das paraxes que lle deu sona e nome, e fai da Serra do Barbanza o terreo propicio para celebrar unha proba desta envergadura na que os amantes do deporte e a natureza poden gozar durante horas da súa afección.

Derradeira proba puntuable para o Revolutrion Trail Series 2019, onde a puntuación xogará unha baza importante na clasificación final e moit@s corredor@s que reservaron forzas teñen a oportunidade de demostrar que están á altura do posto que ocupan na clasificación.