Unha das novidades dentro do Trail Series 2019 cun percorrido para non deixar indiferente a ninguén: a ruta Portus Apostoli. Que une a capital da ría de Muros-Noia con Compostela, e antiga senda de peregrinación para os que chegaban en barco.

saída dende o mesmo centro da Vila de Noia, cun percorrido pola súa rúa principal ata penetrarse no monte de San Marcos e as ruínas da súa capela. De aí a San Paio e San Xusto, para penetrarnos no río que leva o seu nome polo Mosteiro de Toxosoutos, e a espectacular Fervenza de Toxosoutos.

A senda do río levaranos por un percorrido máxico entre as antigas ruínas das fábricas de papel que séculos atrás asentáronse na zona. O percorrido por monte rematará na Ponte de Traba, dando entrada á Vila de Noia polo empedrado do casco histórico que nos retornará ao lugar de saída.