A proba raiña e que vai na VIIIª edición, a que decide campións/campioas, a que coloca a cada un/unha na posición no circuíto Revolutrion Trail Series; se queres ser un corred@r complet@ non pode faltar unha distancia maratón (ou media maratón) entre a túa colección de dorsais, e sobre todo na das túas lembranzas.

Concibido para que tod@s o poidades gozar, con algúns tramos técnicos, outros corribles, subidas que che deixarán sin alento, e un percorrido por (casi) toda Serra do Barbanza deixando a túa pegada nos sitios máis emblemáticos, fermosos e afastados desta contorna.

Se non oíches falar da subida ao Alto dos Forcados, a do Alto do Inxerto, do cumio de Monte Barbanza, das pozas do Río Pedras, da fervenza de San Amedio e das fervenzas do Río San Xoan, non imos contarcho nós que non atopamos palabras para transmitirche o que supoñen para @s que participaron.

Barbanza42K (Barbanza21K) non da tregua nesta derradeira batalla, pero aínda así, cando a remates: vas a querer máis, porque che supo a pouco.

Si queres comprobar o estado da túa inscrición ou acceder ao listaxe de inscritos podes facelo premendo aquí.