Andaina do Barbanza

PERCORRIDO:

• O percorrido será de asfalto e terra, cunha distancia de 21 km. debidamente sinalizado.
• A organización non pode garantir a cobertura en todo o longo do percorrido.
• Os participantes están obrigados a informar do seu abandono no control de chegada ou de paso.
• Establécense un tempo máximo de 6 horas para a realización da proba. A partir dese intre os participantes que permanezan en ruta deberán abandonala e non se garantirá a súa cobertura.

PARTICIPANTES:

• Está rigurosamente prohibido o acompañamento dos participantes mediante o uso dalgún vehículo de apoio. A non contemplación desta norma implicará a descalificación dos sendeiristas acompañados.
• Os membros da organización teñen potestade para retirar da proba a calqueira participante si consideran que a condición física ou a súa actitude o requer.
• Os participantes están obrigados a auxiliar a outros participantes que precisen de axuda, así como a respetar as regras de circulación nos tramos e cruces de carreteiras.
• Os participantes están cubertos por un seguro de accidentes nas seguintes condicións:
  • Finamento por accidente: 10.000 €
  • Invalidez por accidente: 12.000 €
  • Asistencia sanitaria en centros concertados: 6.000€
• Os participantes asumen que existe o risco dun accidente de gravidade, e están nas súas mans prever e minimizar ese risco evitando unha actuación que o poña en peligro a él ou a terceiros.
• Os participantes son conscientes que non sempre se pode acceder cos servicios de emerxencia adecuados a todas as zonas do percorrido.
• Os participantes deben empregar con dilixencia os equipos de protección propios adecuados ademais daqueles que a organización considere obrigatorios. Os equipos de protección deben empregarse sempre ca finalidade e uso que foron deseñados.
• Os participantes son responsables daquelas accións que causen un dano moral, material ou físico a outros participantes e a terceiras persoas.
• A idade mínima é de 18 anos. Calquer membro da organización pódelle pedir a un participante que acredite a súa idade co DNI (ou similar).
• Arousa Natureza e Ocio non se fai responsable dos danos morais ou materiais que ocasione a participación nesta carreira.
• Cada participante é o responsable de localizar e seguir as marcas que balizan o percorrido.
• Os participantes autorizan á organización a utilizar a imaxe fotográfica ou videográfica dos corredores durante a proba e a súa vinculación co evento.
• Os participantes están obrigados a informar do seu abandono no control de chegada.

MATERIAL:

• É recomendable antes de tomar a saida portar un bidón ou recipiente con líquido e en cantidade suficiente que permita chegar ós avituallamentos indicados.
• É recomendable levar un teléfono móvil con batería e saldo para estar en contacto ca organización si fora preciso.
• É obrigatorio levar roupa axeitada ás condicións climatolóxicas reinantes no día da proba. A organización resérvase o dereito a retirar a calquer corredor que non cumpla esta recomendación.
• A organización non se responsabiliza do deterioro, perda, ou extravío do material empregado durante a proba.

AVITUALLAMENTOS E DUCHAS:

• A organización disporá de avituallamento intermedio de líquido.
• Disporase de un avituallamento final de líquido e froita na liña de meta.
• No Polideportivo da Fieteira, a partir das 11:00 horas, estará a disposcición dos participantes o servicio de ducha e vestiario.
• A organización dispón de recipientes para depositar os restos e envases, a non utilización deles supondrá a descalificación do participante.
• Estará a disposición dos participantes o servicio de ducha e vestiario.

INSCRICIÓNS:

• Prazo de inscrición ábrese o 1 de novembro e remata o 5 de maio.
• As inscricións realizaranse a través da web www.arousa.com ou www.galitiming.com nun formulario habilitado para tal fin.
• Prezo da inscrición é de 7 € para esta proba.
• A inscrición da dereito a participar na proba, cobertura do seguro, servizo de duchas, e acceso aos avituallamentos intermedio e final.
• A non participación, retirada ou descalificación da proba non implica a devolución do importe.
• A petición de inscrición implica o recoñecemento por parte do atleta que dispón da capacidade física e psicolóxica para participar neste tipo de proba.
• A inscrición na proba implica a aceptación do presente regulamento sin reservas.

RETIRADA DE ACREDITACIÓNS:

• O mesmo día da proba no lugar de saída, entre as 08:30 h. ata 15 min antes da saída.
• Si a organización o solicita debe acreditarse con documento oficial a titularidade da inscrición.
• Recoméndase seguir as instruccións da organización e dirixirse á mesa indicada ca inicial do seu apelido para axilizar a retirada.
• E imprescindible para a retirada da acreditación ter presentado (pódese presentar no momento) a FOLLA DE RESPONSABILIDADE E MANIFESTACIÓN; a organización resérvase o dereito a non entregarlle o dorsal a aquel participante que non a tivera presentado.

DESCALIFICACIÓNS:

• Si o participante amosara unha conducta antideportiva.
• Si o participante retira sinais de balizamento.
• Si o participante non remata o percorrido.
• Si o participante non atende as indicacións da organización.
• Si o participante non porta o material obrigatorio.
• Si o participante atenta contra o medioambiente.
• Si o participante non auxilia a outro participante que o solicite.
• Si o participante abandona o percorrido ca finalidade de atallar ou adiantar a outros participantes.
• Si o participante pon en risco a súa integridade ou a de outros participantes cunha conducta manifestamente temeraria.
• NON SE PERMITIRÁ FACER A RUTA CORRENDO (hai outras modalidades o mesmo día e lugar para facela competindo). Calquer membro da organización ten potestade para retirar ao participante que faga a ruta correndo.

OUTRAS CONSIDERACIÓNS:

• Calquer outra disposición non recolleita neste regulamento resolverao a organización. Non cabendo recurso.
• A organización resérvase o dereito a modificar os percorridos, ou incluso a suspender a proba de existir algunha alerta meteorolóxica e/ou o aconsellen as autoridades; de acontecer este suposto, trasladaríase ao domingo seguinte no mesmo horario e co mesmo formato.
• Calquer tipo de reclamación deberá ser realizada inmediatamente despois do remate da proba para non entorpecer o desenvolvemente da mesma.
• O descoñecemento deste regulamento non exime do seu cumprimento.