|
PRESENTACIÓN
Primeira edición dun trail que non che vai deixar indiferente dende o momento da saida ata a chegada, ambas situadas en Portosín, no paseo marítimo: centro neurálxico deste lugar encantado da ría de Muros-Noia e punta de lanza do turismo nautico na bisbarra do Barbanza. Pero as sorpresas nin empezan nin acaban cunha saida ou meta espectaculares, senon que continuan dende o primeiro kilómetro, no que pisarás as areas da praia da Gafa, e a praia da Ornanda, para logo sair da costa e adentrarte en apenas uns metros en bosques, fragas, regatos, e rios sacados de contos e cheos de historias e lendas. Cada paso, e cada pedra, agochan un paraxe que facerá deste trail algo atractivo para a vista máis aló do sitio donde tes que pousar os pes.
Pero non hai que esquecerse que estás en un TRAIL, con todas as letras, e con todo o seu desnivel positivo no que se superan os 720 m+ cun único punto elevado pouco despois da metade da carreira, e que che leva ao cumio do alto da Figueira e casi aos 600 m. ca ría deitada aos teus pes que che permitirá sentir a sensación de flotar sobre os riscos, as praias, e mesmo as olas que se ven ao lonxe.
Paralelamente e en horario de mañán os da A.D.C. Arnela organizarán unha competición face-to-face de orientación moi preto da liña de saida, para aqueles que desexen iniciarse ou participar nunha proba de orientación. Toda a información e inscricións (gratuita), na súa web: http://adcarnela.wixsite.com/web/facetoface
Recomendamos ler con detenimento o regulamento no que esperamos se aclaren as dúbidas que podades ter. De tódolos xeitos, coma sempre, temos á vosa disposición un email de contacto, teléfono ou a nosa páxina de facebook, na que vos responderemos sen problema.
Para estar manterte ao día das novidades desta e outras actividades non te esquezas de premer en: |
|
|
|
|
INFORMACIÓN TÉCNICA
Día: Sábado 19/05/2018
Hora: 17:30 h.
Saída e chegada: Portosín (Porto do Son)
Información: Arousa NeO e Concellalía de Deportes do Concello de Porto do Son
Inscricións: www.arousa.com e www.galitiming.com (presencial na Concellaría de Deportes do Concello de Porto do Son)
Páxina web oficial: www.arousa.com - E-mail: contacto@arousa.com
Teléfono de información: 638 811 000
Distancia: 14,5 km.
Desnivel+: 720 m+
Tempo máximo de realización da proba: 2:30 h.
Custe inscrición: 8 €
Duchas: Portosín
Data límite inscrición: 16/05/2018 as 15:00 h.
Coorganiza: Concello de Porto do Son
Colabora: Asociación de Empresarios de Portosín, Asociación Deportiva e Cultural Arnela, Sachacamiños Clube de Montaña, Asociación de Veciños de Carreira, Senda XXI, Asoc. de Voluntarios de Protección Civil de Porto do Son
|
REGULAMENTO
PERCORRIDO:
- O percorrido desenrolarase sobre un circuito con piso de terra, e será de 14,5 km. debidamente sinalizado con cintas de tela laranxas.
- A organización non pode garantir a cobertura en todo o longo do percorrido.
- A organización, nun punto determinado do percorrido, establecerá un control para retirar a todolos participantes sin dorsal.
- Os participantes están obrigados a informar do seu abandono no control de chegada.
- Establécense un tempo máximo de dúas horas para a realización da proba. A partir dese intre os corredores que permanezan en ruta deberán abandonala e non se garantirá a súa cobertura.
- É recomendable antes de tomar a saida portar un bidón ou recipiente con líquido e en cantidade suficiente que permita chegar ós avituallamentos indicados.
- É recomendable levar un teléfono móvil con batería e saldo para estar en contacto ca organización si fora preciso.
- É obrigatorio levar roupa axeitada ás condicións climatolóxicas reinantes no día da proba. A organización resérvase o dereito a retirar a calquer corredor que non cumpla esta recomendación.
- A tódolos/as participantes facilitaráselle un dorsal, que deberán levar en lugar visible (a altura do peito) ata o remate da carreira sendo descalificado o corredor que chegue sen dorsal.
- Facilítarase un chip a todos os participantes que deberá situar no lugar indicado nas instruccións para a súa correcta lectura nos puntos de control, si o corredor non devolve o chip ao remate da proba deberá abonar o importe do mesmo á empresa proveedora.
- A organización non se responsabiliza do deterioro, perda, ou extravío do material empregado durante a proba.
- O mesmo día da proba no lugar de saída, dende as 16:30 ata 10 minutos antes da saída.
- Si a organización o solicita debe acreditarse con documento oficial a titularidade do dorsal.
- Recoméndase seguir as instruccións da organización e dirixirse á mesa indicada ca inicial do seu apelido para axilizar a retirada.
- E imprescindible para a retirada do dorsal ter presentado (pódese presentar no momento) a FOLLA DE RESPONSABILIDADE E MANIFESTACIÓN; a organización resérvase o dereito a non entregarlle o dorsal a aquel participante que non a tivera presentado.
- Está rigurosamente prohibido o acompañamento dos participantes mediante o uso dalgún vehículo de apoio. A non contemplación desta norma implicará a descalificación dos atletas acompañados.
- Os membros da organización teñen potestade para retirar da proba a calqueira participante si consideran que a condición física ou a súa actitude o requer, asi como a todos aqueles que corran sin dorsal.
- Os participantes están obrigados a auxiliar a outros participantes que precisen de axuda, así como a respetar as regras de circulación nos tramos e cruces de carreteiras.
- Os participantes están cubertos por un seguro de accidentes deportivo nas seguintes condicións:
- Finamento por accidente: ................................................. 10.000 €
- Invalidez por accidente: .................................................... 12.000 €
- Asistencia sanitaria en centros concertados:.......... ........ 6.000 €
- Os participantes asumen que existe o risco dun accidente de gravidade, e están nas súas mans prever e minimizar ese risco evitando unha actuación que o poña en peligro a él ou a terceiros.
- Os participantes son conscientes que non sempre se pode acceder cos servicios de emerxencia adecuados a todas as zonas do percorrido.
- Os participantes deben empregar con dilixencia os equipos de protección propios adecuados ademais daqueles que a organización considere obrigatorios. Os equipos de protección deben empregarse sempre ca finalidade e uso que foron deseñados.
- Os participantes son responsables daquelas accións que causen un dano moral, material ou físico a outros participantes e a terceiras persoas.
- A idade mínima é de 18 anos. Calquer membro da organización pódelle pedir a un participante que acredite a súa idade co DNI (ou similar).
- Arousa Natureza e Ocio non se fai responsable dos danos morais ou materiais que ocasione a participación nesta carreira.
- A organización facilitará o tempo final da proba, non se dispondrá de tempos intermedios.
- Cada participante é o responsable de localizar e seguir as marcas que balizan o percorrido.
- Os participantes autorizan á organización a utilizar a imaxe fotográfica ou videográfica dos corredores durante a proba e a súa vinculación co evento.
- Os participantes están obrigados a informar do seu abandono no control de chegada.
- Si o participante amosara unha conducta antideportiva.
- Si o participante retira sinais da proba.
- Si o participante non remata o recorrido.
- Si o participante non atende as indicacións da organización.
- Si o participante non porta o material obrigatorio.
- Si o participante atenta contra o medioambiente.
- Si o participante non deposita os residuos xerados por él nos recipientes habilitados pola organización.
- Si o participante non auxilia a outro participante que o solicite.
- Si o participante abandona o percorrido coa finalidade de atallar ou adiantar a outros participantes.
- Si o participante pon en risco a súa integridade ou a de outros participantes cunha conducta manifestamente temeraria.
Recibirán trofeo:
- Os tres primeiros homes categoría Senior (menos de 35 anos)
- Os tres primeiros homes categoría Máster (de 35 a 49 anos)
- Os tres primieros homes categoría Veterán (a partir de 50 anos incluido)
- As tres primeiras mulleres categoría Senior (menos de 30 anos)
- As tres primeiras mulleres categoría Máster (de 30 a 44 anos)
- As tres primeiras mulleres categoría Veterán (a partir de 45 anos incluido)
- Os tres primeiros equipos (nos que a suma dos tempos d@s tres mellores corredor@s de cada equipo sexa inferior ao resto). Os membros dun equipo deberán estar inscritos todos co mesmo nome de equipo (sen variacións).
- Trofeo especial ao primeir@ corredor/a de Porto do Son en cruzar a meta
- Os trofeos non son acumulativos. No caso de coincidencia entre o "mellor corredor/a local" e os tres primeiros postos da clasificación xeral, primará o da clasificación xeral.
- A entrega de trofeos realizarase a partir das 20:00 h. no mesmo lugar da saida/meta.
- Si un/unha premiad@ non recolle o trofeo que lle corresponda, perde o dereito a reclamalo con posterioridade.
- Si a organización o considera necesario solicitará xustificar documentalmente a idade e condición dos atletas para poder acceder aos premios.
- Prazo de inscrición ábrese o15 de abril e remata o 16 de maio
- As inscricións realizaranse a través da web www.arousa.com ou www.galitiming.com nun formulario habilitado para tal fin. Poderase comprobar na mesma web a listaxe de inscritos.
- Prezo da inscrición é de 8 € para esta proba.
- A inscrición da dereito a participar na proba, servizo de cronometraxe electrónico con tempo final, dorsal personalizado, cobertura do seguro, servizo de duchas, e acceso aos avituallamentos intermedio e final.
- A non participación, retirada ou descalificación da proba non implica a devolución do importe.
- A petición de inscrición implica o recoñecemento por parte do atleta que dispón da capacidade física e psicolóxica para participar neste tipo de proba.
- A inscrición na proba implica a aceptación do presente regulamento sin reservas.
AVITUALLAMENTOS E DUCHAS:
- A organización disporá de avituallamento intermedio de líquido.
- Disporase de un avituallamento final de líquido e froita na liña de meta.
- A organización dispón de recipientes para depositar os restos e envases, a non utilización deles supondrá a descalificación do participante.
- Estará a disposición dos participantes o serivicio de ducha e vestiario ata as 21:00 h.
- Calquera outra disposición non recolleita neste regulamento resolverao a organización, non cabendo recurso.
- A organización resérvase o dereito a modificar os percorridos, ou incluso a suspender a proba de existir algunha alerta meteorolóxica e/ou o aconsellen as autoridades; de acontecer este suposto, trasladaríase ao 26 de maio no mesmo horario e co mesmo formato.
- Calquer tipo de reclamación deberá ser realizada inmediatamente despois do remate da proba para non entorpecer o desenvolvemente da mesma.
- Arousa Natureza e Ocio non se fai responsable dos danos físicos, morais ou materiais que ocasione a participación nesta carreira.
- O descoñecemento deste regulamento non exime do seu cumprimento.
|
INSCRICIÓNS
|
UBICACIÓN
|
CÓMO CHEGAR
DENDE SANTIAGO DE COMPOSTELA: 50 Km. - 45 min.
|
DENDE VIGO: 100 Km. 1 h. 15 min.
|
|
|
|
AGRADECEMENTOS
|
CONTACTO
Detalles de contacto
Rua Lustres Rivas, 3
Ribeira (A Coruña)
Teléfono: 638 811 000
Email: contacto@arousa.com
Horario:
Luns a Venres 10:00 - 13:00 ; 17:00 - 20:30
Sábado 11:00 - 13:30 |
Envíanos unha mensaxe
|
|
|
|