O Trail de San Isidro é o máis veterano do circuíto Revolutrion Trail Series, chegando neste 2020 á sexta edición voltando de novo a reconstruírse e a percorrer novos camiños que estaban tan esquecidos que ían desaparecer, pero que o vindeiro mes de Febreiro cobrarán nova vida e novos fins cos que dar un sentido ao monte, e á carreira.

Se o Trail de San Isidro presume de ter un dos percorridos máis duros do circuíto, non queremos defraudar a tod@s aquel@s que vos apuntades a comprobalo, e para este ano témosvos preparada unha subida ao Monte Salgueiro que se inicia xusto despois de mollar os pes no río Lérez, a subida do Petón do Vento dende o punto máis baixo ata o máis alto da zona poñerá a proba e fará honra a toda a lenda que acompaña e fala desta mítica subida.

Pero a carreira non acaba aí, senón que estariades na metade do percorrido; aínda queda voltar a mollar os pes no río Pedras, e non unha senón dúas veces.

Coma sempre será o máis curto das 5 probas, pero o que máis desnivel positivo leva. Aínda así, cando te enfrontes a este percorrido, pensa que o límite o pos ti e a túa condición física.

Si queres comprobar o estado da túa inscrición ou acceder ao listaxe de inscritos podes facelo premendo aquí.